დღეს ამერიკის ღია პირველობის წილისყრა გაიმართა და ძირითად ბადეში ნიკოლოზ ბასილაშვილის პირველი მეტოქის ვინაობაც გაირკვა. ქართველი ჩოგბურთელი პირველ წრეში ამერიკელ სებასტიან კორდას დაუპირისპირდება, რომელიც მსოფლიო რეიტინგში 39-ე ადგილს იკავებს.
საგულისხმოა, რომ ჩოგბურთელები კარიერის განმავლობაში ერთმანეთს პირველად შეხვდებიან.
გამარჯვების შემთხვევაში, ნიკა მომდევნო ეტაპზე, ტურნირზე მე-9 ნომრად განთესილ პაბლო კარენო ბუსტას დაუპირისპირდება.
ამერიკის ღია პირველობაზე ნიკოლოზის საუკეთესო შედეგი მე-4 წრეში თამაშია, მან ეს 2018 წელს მოახერხა.
