თბილისის “დინამოს” ახალი სპორტული დირექტორი ჰყავს, დღეიდან თბილისური გუნდის მთლიან სპორტულ მიმართულებას, რაც მთავარ გუნდს, აკადემიას და სხვა სპორტულ საკითხებს მოიცავს ალექსანდრე რეხვიაშვილი უხელმძღვანელებს.
აღნიშნულ პოსტზე ალექსანდრე რეხვიაშვილი გუნდის მფლობელმა, რომან ფიფიამ წარადგინა.
ადრე ამ პოსტს ზაზა დოლიძე იკავებდა, დღეიდან კი დოლიძე ტექნიკური დირექტორი იქნება.
რეხვიაშვილმა საკმაოდ დიდი გამოცდილება აზერბაიჯანში და ბელარუსში მიიღო.
