ევროპის სუპერლიგის საკითხი თითქოს დროებით კი მიწყნარდა, თუმცა უეფა ამ საკითხის დავიწყებას არ აპირებს. ევროპული ფეხბურთის მმართველი ორგანო და მისი პრეზიდენტი ალექსანდერ ჩეფერინი ისევ იმუქრება და სანქციების აუცილებლობაზე ამახვილებს ყურადღებას.
უეფამ, ევროპის სუპერლიგის შემქნელ იმ 12 გრანდს დროებით კი აპატია, რაც იმით გამოიხატა, რომ „რეალი“, „ჩელსი“, „მანჩესტერ სიტი“, „მანჩესტერ იუნაიტედი“ და „არსენალი“ მიმდინარე ევროტურნირებიდან არ მოკვეთა, თუმცა სამომავლოდ მათ მკაცრ დასჯას მაინც აპირებს.
„ყველამ უნდა გაითავისოს, გაათვითცნობიეროს და აიღოს პასუხისმგებლობა იმ ქმედებაზე, რაც გააკეთეს. ჩვენ ისეთ პოზაში არ დავდგებით, თითქოს არაფერი მომხდარა და ყველაფერი რიგზეა.
არ შეიძლება რაღაც არასწორი ჩაიდინო, შემდეგ კი თქვა იმიტომ დავისაჯე ვიღაცეებს არ მოვწონვარო. მათი პრობლემა, მათ ქმედებებშია. უახლოეს ხანებში გადავწყვეტთ რა სანქციებს გავატარებთ იმ გუნდების მიმართ“ – აღნიშნავს უეფას პრეზიდენტი.
