ჯერ ბეჭედი ოფიციალურად არ დასმულა, მაგრამ დიდია იმის ალბათობა, რომ მადრიდის „რეალი“ რაფაელ ვარანს შეელევა.
როგორც პოპულარული ესპანური გამოცემა Marca იუწყება, სამეფო გუნდი ფრანგ მცველს დიდად კალთებს აღარ დაახევს და მის გაყიდვასაც დაყაბულდა, ოღონდ იმ შემთხვევაში თუ მსურველი მასში მინიმუმ 50 მილიონ ევროს გადაიხდის.
27 წლის ფეხბურთელისადმი ინტერესი არაერთ გრანდს აქვს. მათ შორის არიან „იუვენტუსი“ და „ჩელსი“, ხოლო „პსჟ“-ს და „მანჩესტერ იუნაიტედს“ ვარანის ხელში ჩაგდება ადრეც სურდათ.
„რეალს“ სურს, რომ თუ საქმე-საქმეზე მიდგება, ვარანი „პსჟ“-ში გაყიდოს, რადგან პარიზულ გრანდთან მეგობრული ურთიერთობა დაამყაროს და ამით კილიან მბაპეს გადმობირებისთვის ნიადაგი შეიქმნას.
მოკლედ, აღდგომა და ხვალეო.
