თბილისის გრანდ-სლემის პირველი საშეჯიბრო დღე, მიუხედავად იმისა, რომ ის ჯერ არ დასრულებულა და ფინალური ბლოკი წინა არის, ქართველი ძიუდოისტებისთვის უკვე თამამად შეიძლება წარმატებულად მოინათლოს.
სამწუხაროდ, ტურნირი უმაყურებლოდ მიმდინარეობს, თუმცა ჩვენმა კიმონოისტებმა გულშემატკივრების ქომაგობის გარეშეც შეძლეს ფინალში გასვლა და ოქროს მედლებამდე ერთი ნაბიჯი აშორებთ.
დავიწყოთ ეთერ ლიპარტელიანით (57კგ), რომელმაც გზად ბრიტანელი, სამხრეთ აფრიკელი, რუსი და რაც მთავარია კანადელი მსოფლიო ჩემპიონი ქრისტა დეგუჩი დაამარცხა და ფინალში კოსოვოელ ნორა გლაკოვას დაუპირისპირდება.
რაც შეეხება ვაჟთა შეჯიბრებას თბილისში გაშლილ ტატამზე ერთბაშად 6 ქართველი ძიუდოისტი გავიდა, რომელთაგან ორი – ვაჟა მარგველაშვილი (66კგ) და თემურ ნოზაძე (60კგ) ოქროს მედლისთვის იბრძოლებენ. ნოძაძეც და მარგველაშვილიც ფინალში უზბეკ ძიუდოისტ ძმებს დაეჭიდებიან. პირველი კემრან, ხოლო მეორე სანდორ ნურილაევს.
სხვა ქართველ ძიუდოისტებს – შაქრო (60კგ), ლაშა ჩადუნელს (60კგ), ბექა წიფიანს (66კგ) კი ხელი მოეცარათ, ხოლო ბაგრატ ნინიაშვილი (66კგ) ბრინჯაოს მედლისთვის იჭიდავებს.
