ახლა სანაკრებო პაუზაა, თუმცა გუნდები ვარჯიშებს რა თქმა უნდა არ წყვეტენ. მადრიდის „ატლეტიკოც“ დიეგო სიმეონეს ხელმძღვანელობით მორიგ ვარჯიშს ატარებდა, როდესაც უსიამოვნო ამბავი მოხდა, თუმცა საბედნიეროდ ყველაფერი კარგად დასრულდა.
საქმე კი იმაში გახლავთ, რომ მუს დემბელემ, რომელიც „როხიბლანკოში“ იჯარის წესით თამაშობს, ისე კი „ლიონის“ საკუთრებაა, ვარჯიშის დრო მოულოდნელად გონება დაკარგა და გაზონზე დაეცა. მას თანაგუნდელები და სამედიცინო შტაბის წევრები უმალ მისცვივდნენ და ფეხბურთელიც მალე გონს მოეგო, შემდეგ კი მოედანი საკუთარი ფეხით დატოვა.
პირველადი ვერსიით გონების დაკარგვა წნევის უეცარმა ვარდნამ გამოიწვია, თუმცა „როხიბლანკოს“ ექიმები უახლოეს პერიოდში ტესტებს ჩაუტარებენ, რათა დარწმუნდნენ, რომ სერიოზული არაფერია.
მომხდარის შემდეგ ბუნებრივია მუსა დემბელემ ვარჯიში ვეღარ განაგრძო.
