ფეხბურთის მეფე დითირამბებად დაიღვარა. მსოფლიო ფეხბურთის ლეგენდა ფრანგ ტალანტს აქებს და ადიდებს. უფრო მეტიც – ის კილიან მბაპეს მის მემკვიდრედ მოიხსენიებს.
„მბაპე არაჩვეულებრივი, შესანიშნავი ფეხბურთელია. მას თავისუფლად შეუძლია ჩემი მემკვიდრე გახდეს და ამას რომ ვამბობ საერთოდ არ ვხუმრობ.
მის შესაძლებლობებში ძალინ ბევრს ვხედავ. განსაკუთრებით სისწრაფის კუთხით. მბაპე მოედანზე სხარტი და შეუჩერებელია. ის არის ფორვარდი, რომელიც სწრაფად ფიქრობს და მოედნის იდეალური ხედვა აქვს. როდესაც მბაპე ბურთს იღებ მან უკვე იცის რა უნდა გააკეთოს, რომელ მხარეს წავიდეს, პასი ვის გადააწოდოს, რათა უკეთესად განავითაროს მისი გუნდის შეტევა. თანამედროვე ფეხბურთისთვის ეს უმნიშვნელოვანესი ფაქტორია. ყველაფერთან ერთად მბაპეს გოლის გატანის კარგი ალღო აქვს“ – ამბობს პელე ესპანურ და იტალიურ გამოცემებთან ინტერვიუში.
კილიან მბაპე „მონაკოდან“ „პსჟ“-ში 2017 წელს გადაბარგდა და მყისვე პარიზული გრანდის ლიდერად იქცა. საფრანგეთის ჩემპიონატის მიმდინარე სეზონში მის ანგარიშზე უკვე 18 გოლია, ხოლო ჩემპიონთა ლიგაზე თავი 5 გატანილი გოლით გამოიჩინა.
