ერვინ ტუმირი – ადამიანი, რომელიც შაპეკოენსეს ტრაგედიას გადაურჩა თავს კიდევ ერთი კატასტროფა გადახდა. რამდენიმე დღის წინ ბოლივიაში ერთ-ერთი ავტობუსი საშინელ ავარიაში მოყვა, რომელსაც რამდენიმე ათეული ადამიანის სიცოცხლე ემსხვერპლა.
აღნიშნული ავტობუსი დანიშნულების ადგილზე მიდიოდა, რა დროსაც ხრამში გადავარდა. ტრანსპორტით ჯამში 52 ადამიანი მგზავრობდა, მათგან 22 კი ადგილზე გარდაიცვალა. ავტობუსში იმყოფებოდა ერვინ ტუმირიც, რომელმაც სხეულის მსუბუქი დაზიანება მიიღო.
საავადმყოფოში გადაყვანის შემდეგ, მედ-პერსონალმა ტუმირს სამედიცინო დახმარება აღმოუჩინა, რის შემდეგაც 30 წლის მამაკაცმა ჟურნალისტებთან ავარიის ეპიზოდი გაიხსენა.
„მომხდარის დაჯერება მიჭირს. როდესაც ავტობუსი მიწაზე დაეცა ფანჯრიდან გამოვძვერი და მუხლებზე დავდექი. თავს კარგად ვგრძნობ. მკლავზე მცირე დაზიანება მაქვს და მუხლებიც მტკივა. ექიმები მეუბნებიან, რომ მალე გამივლის და კარგად ვიქნები“, – განაცხადა ერვინ ტუმირიმ.
შეგახსენებთ, რომ ბრაზილიური კლუბის, „შაპეკოენსეს“ თვითმფრინავმა 2016 წელს კატასტროფა განიცადა. ბორტზე მყოფი 81 მგზავრიდან მხოლოდ 6 გადარჩა, მათ შორის ერთ-ერთი კი სწორედ ერვინ ტუმირი იყო.
