სანდრო მამუკელაშვილის სეტონ ჰოლი მიმდინარე რეგულარულ სეზონში, საკუთარ არენაზე 4 მარტს ბოლო მატჩს კონეკტიკუტ ჰასკისის წინააღმდეგ ჩაატარებს. ეს როგორც წესი ეგრეთ წოდებულ სენიორების საღამოთ ითვრება და ფანები „ვეტერანებს“ ემშვიდობებიან. სასიამოვნოა, რომ ამ მატჩზე შეზღუდვების მიუხედავად გულშემატკივრებს მაინც დაუშვებენ.
ამ გუნდში სული და გული ჩავდე, ჩემს განვითარებაში, კევინ უილიარდის რჩევების მოსმენაში და შესრულებაში. როცა აქ მოვდიოდი, ჩემი ოცნება იყო, კონფერენციის ერთ-ერთი საუკეთესო მოთამაშე გავმხდრიყავი. ვუყურებდი ტოპებს და ვამბობდი ჩემთვის, რომ ერთ დღესაც ყველა ჩემზე ილაპარაკებდა. ვიქნებოდი ის კალათბურთელი, რომელიც სკაუტების სიაში მუდამ იქნებოდა.
ფანების დაფასება ჩემთვის ყველაფერია. მახსოვს, როგორ წავიდა მაილს პაუელი, ანხელ დელგადო. დარბაზში უამრავი ადამიანი იყო, ეს იყო საოცარი წუთები. საოცარია, რომ ფანები დაუშვეს და მეც მომიწევს ეს ჯადოქრული წუთები. თანაც, მატჩზე ჩემი ოჯახის წევრებიც იქნებიან.
როცა კრეიტონს და ბატლერს ვეთამაშებოდით და მათ დარბაზში ფანებს ვხედავდით, ვხვდებოდი, რა დიდი სხვაობაა მათ წინაშე თამაში. იმედი მაქვს, ის 1 700 ადამიანი ისე დაგვიჭერს მხარს, როგორც 17 ათასი, – განაცხადა სანდრომ.
ოთხი წლის წინ ის South Orange-ში გამოჩნდა, გრძელი გვარით და შეზღუდული ლექსიკონით. კარგად გაპარსული და თავის თავში ნაკლებად დარწმუნებული, გაქაჩავდა კი კოლეჯთა ლიგას? 4 წლის მერე ის მიდის ყველასთვის კარგად დასამახსოვრებელი მეტსახელით, წვეროსანი, ინგლისურად ბრწყინვალედ მოსაუბრე და საკუთარ თავში დარწმუნებული. მან კარგად იცის, ვინ არის და რა შეუძლია, – დაწერა app.com-მა.
აღსანიშნავია, რომ ამ მატჩს ორივე გუნდისთვის დიდი მნიშვნელობა აქვს. სანდრო მამუკელაშვილი და მისი გუნდი „მარტის სიგიჟეში“ მოსახვედრად იბრძვიან და შეცდომის დაშვების უფლება არ აქვთ.
