„ლივერპულის“ მეკარეს ალისონ ბეკერს დიდი ტრაგედია დაატყდა თავს. ბრაზილიელი კიპერის მამა პოლიციამ გარდაცვლილი იპოვა.
უცხოური მედიის ცნობით, ალისონის 57 წლის მამა, ჟოზე, ტბაში დაიხრჩო. ტრაგიკული შემთხვევა ბრაზილიაში, ალისონების აგარაკთან ახლოს მოხდა.
ადგილობრივმა პოლიციამ მკვლელობის ვერსია იმთავითვე გამორიცხა და ფაქტი უბედურ შემთხვევად შერაცხა. ფეხბურთელის მამა ჯერ დაკარგულად გამოცხადდა, ოპერატიული სამძებრო სამუშაოების შემდეგ მის ცხედარს ტბაში მიაკვლიეს.
ალისონ ბეკერს თანადგომა და სამძიმარი არაერთმა საფეხბურთო გუნდმა და რა თქმა უნდა თანაგუნდელებმაც გამოუცხადეს.
