თუ ვინმეზე შეილძება ითქვას „მანჩესტერ იუნაიტედის“ ლეგენდა არის, ერთ-ერთი უსათუოდ პოლ სქოულზია. წითელი ეშმაკების რიგებში სქოულზმა ზუსტად 20 წელი ითამაშა და 499 მატჩში 107 გოლი გაიტანა.
აქედან გამომდინარე, სქოულზის აზრი მანჩესტერელთათვის ძალიან მნიშვნელოვანია და მის სიტყვას პატივს სცემენ.
ჰოდა, ადგა ეს ღრმად პატივცემული ვეტერანი ფეხბურთელი და ოლე გუნარ სულშერის გუნდის კარის დარაჯი დევიდ დე ხეა მისაწთან გაასწორა.
„ჩემი აზრით დევიდ დე ხეა დღევანდელი ფორმაციის მანჩესტერ იუნაიტედში ყველაზე სუსტი რგოლია. ის მოედანზე ძალიან უყურადღებოდ ირჯება. კუთხურებისას კი მანჩესტერელთა საჯარიმო მოედანში ნამდვილი საშინელება ხდება“ – ასე აფასებს სქოულზი ეშმაკთა ესპანელ მეკარეს.
ამასობაში კი იტალიურ და ინგლისურ მედიაში სულ უფრო აქტიურად იწერება, რომ მომავალი სეზონიდან „მანჩესტერ იუნაიტედი“ ჯანლუიჯი დონარუმას დამატებას აპირებსო.
