გამარჯობა როჯერ – სერენა მაესტროს მელბურნიდან მიესალმა

ავსტრალიის ღია პირველობა ფინიშის სწორზეა. როგორც ვაჟთა, ასევე ქალთა ერთეულთა თანრიგში ორ-ორი ნახევარფინალისტი უკვე გამოვლინდა.

სამეფო სპორტის მოყვარულთ ეცოდინებათ, რომ წლეულს მელბურნში ჩასვლისგან როჯერ ფედერერმა თავი შეიკავა. მაესტრომ ეს გადაწყვეტილება მწვანე კონტინენტზე პანდემიის გამო დაწესებული რეგულაციების გამო მიიღო, რომლის თანახმადაც მონაწილეებს მკაცრი კარანტინის გავლა მოუხდათ.

სწორედ ეს გახდა მიზეზი იმისა, რომ დიად შვეიცარიელს, არანაკლებ ლეგენდარული სერენა უილიამსი გაუთანაბრდა. უმცროსმა უილიამსმა, მეოთხედფინალში სერენა ჰალეპის წინააღმდეგობა ორ სეტში – 6:3, 6:3 დასძლია და ნახევარფინალში გავიდა. ნიშანდობლივია, რომ სერენას და ჰალეპს შორის ურთიერთშეხვედრების ანგარიში 10:3 გახლავთ ამერიკელის სასარგებლოდ.

მეიჯორებზე სერენას ნახევარფინალები არავის უკვირს. უფრო მეტიც – დიდებულმა ამერიკელმა ჩოგბურთელმა კარიერაში ამის გაკეთება უკვე მეორმოცედ შეძლო.

რაც შეეხება როჯერ ფედერერთან გათანაბრებას. სერენა უილიამსისთვის, ეს გამარჯვება დიდი სლემის ტურნირებზე კარიერაში 362- გახლდათ. სწორედ ამდენივე აქვს როჯერ ფედერერსაც.

ნახევარფინალში სერენა უილიამსი იაპონელ ნაომი ოსაკას დაუპირისპირდება.