20 წლის ქართველმა ნახევარმცველმა, გიორგი წიტაიშვილმა უკრაინულ „ვორსკლაში“ დებიუტი გოლით აღნიშნა.
„რუხთან“ მატჩში, როდესაც მისი გუნდი 1:0 აგებდა, ქართველმა ფეხბურთელმა 52-ე წუთზე თავი გამოიჩინა და წონასწორობა აღადგინა. მატჩი საბოლოოდ 1:1 დასრულდა, წიტაიშვილი კი მთავარმა მწვრთნელმა 90-ე წუთზე შეცვალა.
შეგახსენებთ, რომ 20 წლის ნახევარმცველი კიევის „დინამოს“ ეკუთვნის და იჯარის წესით პოლტავას „ვორსკლაში“ თამაშობს. წიტაიშვილი ახალ კლუბს მიმდინარე სეზონში შეუერთდა.
