11 თებერვალს, ავსტრალიის ღია პირველობაზე რაფაელ ნადალისა და მაიკლ მოს დაპირისპირების დროს ინციდენტი მოხდა.
მეორე სეტის დროს, როდესაც რაფა 5:4-ს იგებდა, ტრიბუნაზე მყოფმა ერთ-ერთმა ქალბატონმა ის უშვერი სიტყვებით მოიხსენია და შუა თითი უჩვენა.
მატჩი დროებით შეწყდა, როგორც ჩანს ნადალმა მის მიმართ გაჟღერებული უხამსმი გინება გაიგონა და იკითხა კიდეც, „მე მომმართავს ეს ქალბატონიო?!“
საბოლოოდ, უსაფრთხოების სამსახურის წარმომადგენლებმა ქალბატონს ტრიბუნა დაატოვებინეს, მოგვიანებით კი გაირკვა, რომ ის ალკოჰოლის ზემოქმედების ქვეშ იყო.
ინციდენტზე კომენტარი ესპანელმა ჩოგბურთელმაც გააკეთა.
„ნამდვილად არ ვიცი რა უნდოდა, მაგრამ სასაცილო იყო. საწყალი, ალბათ ბევრი ჯინი და ტეკილა მიიღო და დათვრა“, – განაცხადა ჩოგბურთელმა.
აღნიშნული მატჩი ნადალმა საბოლოოდ 3 სეტში, 1:6, 4:6, 2:6 მოიგო.
