ეროვნული საკალათბურთო ასოციაციის მიმდინარე სეზონში „ინდიანა პეისერსი“ ყოჩაღად ვერ გამოიყურება. უფრო მეტიც – ინდიანაპოლისელებმა ზედიზედ მეოთხე მატჩი დათმეს და აღმოსავლეთ კონფერენციაშიც მე-6 ადგილამდე დაქვეითდნენ. „ინდიანამ“ ლიდერ „ბრუკლინთან“ – 94:104 წააგო.
„ინდიანა პეისერსი“ თუ რატომ გვაინტერესებს ძნელი მისახვედრი არ უნდა იყოს. ამ გუნდში ხომ ჩვენებური გოგა ბითაძე თამაშობს. საქართველოს ნაკრების ცენტრმა, „ბრუკლინ ნეტსთან“ დაპირისპირებაში პერკეტზე 12 წუთზე ოდნაც მეტი დაჰყო და უფრო პროდუქტიული იყო, ვიდრე შედეგზე ორიენტირებული. უხეშად რომ ვთქვათ, შავ სამუშაო თავი კარგად გაართვა. ქართველი კალათბურთელის ანგარიშზე 4 ქულა, 5 მოხსნა, 1 ჩაჭრა და 3 დაფარება გახლდათ.
„ინდიანას“ რიგებში ყველაზე მეტი, 18 ქულა დომანტას საბონისმა მოაგროვა, „ბრუკლინს“ კი 35 ქულით კაირი ირვინგმა ულიდერა.
block ➡️ bucket pic.twitter.com/wlrbqif5Ti
— Indiana Pacers (@Pacers) February 11, 2021
