ამას წინათ, უფრო კონკრეტულად კიიტალიის სუპერთასზე, „იუვენტუსის“ და „ნაპოლის“ დაპირისპირებისას, რომელიც ტურინელებმა 2:0 მოიგეს, საფეხბურთო სამყარო კიდევ ერთი უნიკალური რეკორდის მომსწრე გახდა.
კრიშტიანო რონალდომ ოფიციალურ მატჩებში თავისი 760-ე გოლი გაიტანა, რაც ყველა დროის აბსოლუტური რეკორდი გახლავთ. პორტუგალიელი ვარსკვლავი ბუნებრივია ამაზე გაჩერებას არ აპირებს და ის კიდევ ბევრ გუნდს თუ მეკარეს დაამწუხრებს, ხოლო ვინ გააუმჯობესებს მის მიღწევას ან საერთოდ გადაასწრებს თუ არა მას ვინმე, ამას მომავალი გამოაჩენს.
ჯანლუიჯი ბუფონი და რონალდუ ერთ დროს მოედანზე მტრები იყვნენ, როდესაც პორტუგალიელი ფორვარდი ჯერ „მანჩესტერ იუნაიტედში“ და შემდეგ „რეალში“ თამაშობდა, რამდენიმე წელია კი ისინი „იუვენტუსში“ თანაგუნდელები არიან. თუმცა იყო ერთწლიანი მონაკვეთი, როდესაც ჯიჯი „პსჟ“-ში გადაბარგდა რონალდუს დარტყმების მოგერიება ფრანგული გუნდის რიგებში უწევდა, თუმცა ყოველთვის ეს არ გამოსდიოდა.
ლეგენდარულმა იტალიელმა მეკარემ, კრიშტიანო რონალდუს ეს მიღწევა ტვიტერის საკუთარ გვერდზე ოფიციალურად მიულოცა.
„CR760 – შენ შეუდარებელი ხარ. რასაც მიაღწიე მართლაც რომ უნიკალური შედეგია. ისე, კარგი იქნებოდა ჩემთვის შედარებით ცოტა გოლი გაგეტანა. ნებისმიერ შემთხვევაში გილოცავ ამ წარმატებას“ – მიმართავს ბუფონი რონალდუს.
