სახეს ნუ მალავ – ისტორიული მოგება და ცრემლები

„საუთჰემპტონი“ გახდა პირველი გუნდი, რომელმაც უკვე მეშვიდედ შეძლო ინგლისის მოქმედი ჩემპიონის დამარცხება. პრემიერლიგის მე-17 ტურში, „საუთჰემპტონმა“ მრისხანე „ლივერპული“ შინაურ კედლებში 1:0 სძლია და 29 ქულით მე-6 ადგილზე აღზევდა.

ფეხბურთის და განსაკუთრებით პრემიერლიგის ქომაგებს ეცოდინებათ, რომ რამდენიმე ტურის წინ, „საუთჰემპტონი“ „ლესტერთან“ 0:9 განადგურდა. მაშინ ბევრს ეგონა, რომ გუნდის მთავარ მწვრთნელს რალფ ჰაზენჰუთლს უსათუოდ დაითხოვდნენ, თუმცა მას ნდობა გამოუცხადეს და მესაჭედ კვლავ დატოვეს.

ჰოდა, ადგა „საუთჰემპტონიც“ და აგერ მერსისაიდელებს მოუგო, რითიც ავსტრიელმა მწვრთნელმა ისე გაიხარა, რომ ემოციებისგან იტირა.

„ეს დიდებული შეგრძნება იყო. ჩვენ მსოფლიოს საუკეთესო გუნდი დავამარცხეთ. ბედნიერი ვარ“ – იტყვის მოგვიანებით რალფ ჰაზენჰუთლი.

„ლივერპულს“ კი 2021 წლის დაწყება რიხიანად ნამდვილად ვერ გამოუვიდა, თუმცა არა გვგონია ამის გამო იურგენ კლოპს წყალ შეუყენონ.