ისრაელის ქალაქ თელ-ავივში გამართულ გრანდ სლემზე, ქართველმა ძიუდოისტებმა 3 მედალი მოიპოვეს.
საქართველოს ოქროს მედალი ილია სულამანიძემ მოუტანა. IJF-მა ახალგაზრდა ძიუდოისტის შესახებ ისაუბრა:
“მაიკლ კორელი ფინალში ოცი წლის, ტურნირის უკვე მეორე ნომრად განთესილ ილია სულამანიძესთან დამარცხდა.
თუ მატჩის პირველი ნაწილი თანაბარი იყო, მოულოდნელად ილია სულამანიძემ შესანიშნავი ო-სოტო-ოტოში შეასრულა, რომელმაც მაიკლ კორელი მიწაზე იპონით დაახეთქა. ქართველისთვის ეს პირველი ოქროს მედალია გრანდ სლემზე. მისი მცირე ასაკიდან გამომდინარე, ეს ალბათ ბოლო ოქროს მედალი არ იქნება. ილია არის ძიუდოისტი, რომელსაც მომავალ წლებში თვალი უნდა ადევნოთ.” – წერს IJF.
შეგახსენებთ, რომ 20 წლის სულამანიძესთან ერთად თელ-ავივის გრანდ სლემის ჩემპიონი გურამ თუშიშვილი გახდა, ვერცხლის მედალი კი ეთერ ლიპარტელიანმა მოიპოვა.
