6 თებერვალს “ჰამბურგი” მე-2 ბუნდესლიგის ლიდერ “დარმშტადს” სტუმრად დაუპირისპირდება და სავარაუდოდ გიორგი ჩაკვეტაძის დებიუტი ოფიციალურად შედგება.
მატჩის წინ “ჰამბურგის” მთავარმა მწვრთნელმა, ტიმ ვალტერმა მედიის წარმომადგენლებთან ისაუბრა.
“გიორგის მეტი დრო სჭირდება, ბოლო 2 წელია პრაქტიკულად არ უთამაშია და მუდმივად უარყოფით ემოციებში იყო. მნიშვნელოვანია მას ჩვენი მხარდაჭერა და სიყვარული მივცეთ, რაც ასე აკლდა. ბევრს ველაპარაკები და რჩევებს ვაძლევ. გიორგის ბურთთან საოცარი ურთიერთობა აქვს”, – განაცხადა ვალტერმა.
შეგახსენებთ, რომ გიორგი ჩაკვეტაძე “ჰამბურგში” 6-თვიანი იჯარით ითამაშებს.
