ამას წინათ გაუწყეთ, რომ „ლივერპულის“ ფორვარდი მოჰამედ სალაჰი გუნდზე გაბრაზებული იყო. მიზეზი კაპიტნის სამკლაურია, რომელიც მას სურდა დანიურ „მიდტიულანდთან“, ჩემპიონთა ლიგის ჯგუფური ეტაპის ბოლო ტურის მატჩში კეთებოდა, თუმცა იურგენ კლოპმა სხვაგვარად გადაწყვიტა.
ამის გამო ეგვიპტელი ფორვარდი გაიბუტა და საქმე იქამდეც მივიდა, რომ გერმანელ მწვრთნელს ოფიციალური კომენტარი და ახსნა-განმარტების გაკეთება დასჭირდა.
„ჩვენთან წესები მოქმედებს, რომელიც მე არ დამიდგენია და აქ მოსვლამდე დამხვდა. ლივერპული დიდი გუნდია, რომელსაც თავისი ტრადიციები გააჩნია და მას პატივი უნდა სცე.
ასეა კაპიტნობის თემაც. ჩვენ გვყავს ფეხბურთელთა საბჭო. გუნდის კაპიტანი ჰენდოა, მაგრამ მის არ ყოფნაში სამკლაური მილნერს გადაეცემა. თუ ისე მოხდა, რომ არცერთი თამაშობს მაშინ კაპიტანი ვირჯილია, შემდეგ კი ვეინალდუმი. თუ ფორსმაჟორია და ზემოთ ნახსნები არცერთი ფეხბურთელი მწყობრში არ არის, მაშინ გუნდს მოედანზე ის ფეხბურთელი უძღვება, რომელიც კლუბის ღირსებას ყველაზე დიდი ხნის მანძილზე იცავს. „მიდტიულანდთან“ მატჩსიც ტრენდს სამკაური ამიტომ ეკეთა. ეს არის და ეს.
ვიცი რომ სალაჰი განაწყენებული იყო და ეს მან საჯაროდაც გამოხატა. მე მას ვესაუბრე და ყველაფერი ავიხსენი. იმედია, წყენას გულში არ ჩაიდებს“ – ამბობს იურგენ კლოპი.
