ავსტრალიის სასამართლომ ნოვაკ ჯოკოვიჩის საქმესთან დაკავშირებით საბოლოო გადაწყვეტილება გამოაცხადა. BBC-ის და რამოდენიმე ავტორიტეული სააგენტოს ინფორმაციით, მოსამართლე ენტონი კელიმ ნოვაკის სარჩელი დააკმაყოფილა და სერბი ჩოგბურთელი გაამართლა.
მოსამართლის განჩინების მიხედვით, მსოფლიოს პირველი ჩოგანის მიმართ ავსტრალიის ვიზის გაუქმების საკითხი უსაფუძვლო იყო. მოსამართლემ შესაბამის ორგანოებს ჯოკოვიჩის საკარანტინე ზონიდან გათავისუფლებისკენ მოუწოდა და ასევე, ყველა საბუთის დაბრუნება დაავალა.
Tennis star Novak Djokovic wins court battle to stay in Australia and defend his Grand Slam title, after vaccine exemption rowhttps://t.co/NJIzaUu0XR
— BBC Breaking News (@BBCBreaking) January 10, 2022
ამის მიუხედავად, ჯოკოვიჩისთვის ვიზის შეჩერების საკითხზე ავსტრალიის შინაგან საქმეთა სამინისტრომ მაინც დაიტოვა გადაწყვეტილების დამოუკიდებლად მიღების უფლება. შესაბამისად, სერბი ჩოგბურთელი ავსტრალიის ღია პირველობაზე შესაძლოა მაინც არ დაუშვან.
