კიუშუ ბაშოზე ტოჩინოშინი მეშვიდედ დამარცხდა. ტურნირის მე-9 საშეჯიბრო დღეს ქართველი სუმოისტი მე-17 მაეგაშირა შოჰოზანს დაუპირისპირდა და შეხვედრა იორიკირით დათმო.
შეხვედრის მიმდინარეობისას ვერ შეამჩნევდით, მაგრამ დასრულების შემდეგ გამოჩნდა, რომ ქართველმა რიკიშმა ერთ-ერთ ბოლო ეპიზოდში ფეხი დოჰიოს გარეთ გადადგა, რის გამოც შიმპანებმა წაგებულად გამოაცხადეს.
ამ დაპირისპირების შემდეგ ლევანის ბალანსი 2:7-ზე გახდა. დადებითი ბალანსის დასაფიქსირებლად, დარჩენილი 6 შეხვედრიდან ქართველმა სუმოისტმა ექვსივე უნდა მოიგოს.
როგორც ვიცით, ტურნირის საწყისი 4 შეხვედრა ტოჩინოშინმა ტრავმის გამო გამოტოვა და ამის გამო ოთხივე შეხვედრა წაგებად ჩაეთვალა.
