საქართველოს 21-წლამდელთა ნაკრებმა ბათუმი არენაზე ინგლისი 3:2 დაამარცხა.
მატჩის შემდეგ ბრიტანულმა გამოცემამ THE SUN-მა მატჩი შეაფასა.
“ინგლისის 21-წლამდელთა ნაკრებმა ბათუმში რთული მატჩი ჩაატარა. ინგლისელი ახალგაზრდები ევროპის 2023 წლის ჩემპიონატის მასპინძლებთან თამაშით გაოგნებულები დარჩნენ. ინგლისისთვის მეორე ტაიმი კოშმარულად დაიწყო, როცა გულიაშვილმა მეტოქეს მეორე გოლი გაუტანა. კარსლის ბიჭების საშინელებათა შოუ კი გიორგი გოჩოლეიშვილმა დაასრულა, რომელმაც 65-ე წუთზე ანგარიში 3:0 გახადა. ის ლუკ თომასს გასცდა, ინგლისელთა საჯარიმოში თავისუფლად შევიდა და შორეულ კუთხეში გაიტანა”, – წერს THE SUN.
შეგახსენებთ, რომ საქართველო და რუმინეთი 2023 წლის ევროპის ახალგაზრდულ ჩემპიონატს უმასპინძლებს.
