ლეგენდარული ქართველი მოჭადრაკე, ნონა გაფრინდაშვილი ამერიკულ კომპანია Netflix-ს უჩივის. ინფორმაციას Sportline.ge ავრცელებს. 80 წლის დიდოსტატმა სასამართლოში სარჩელი უკვე შეიტანა.
საქმე ეხება მინისერიალ „დედოფლის გამბიტს“, სადაც ნახსენებია, რომ მთავარი პერსონაჟი, რომელიც ქალი მოჭადრაკეა მამაკაცებს არ დაპირსპირებია.
სინამდვილეში კი რა პერიოდსაც ეს ფილმი მოგვითხობს, ამ დროისთვის ლეგენდარულ დიდოსტატს 25 მამაკაცი ჰყავდა დამარცხებული, ამასთან, მას მონაწილეობა აქვს მიღებული ისეთ ტურნირში, სადაც 7 მამაკაცი მოჭადრაკე დაამარცხა და ჩემპიონიც გახდა. გამოდის, რომ ჯამში გაფრინდაშვილს ამ პერიოდში 32 მამაკაცი მოჭადრაკე ჰყავს დამარცხებული.
აღნიშნულ საკითხთან დაკავშირებით 80 წლის დიდოსტატმა მცირე კომენტარიც გააკეთა.
„ისინი ცდილობდნენ შეექმნათ ეს გამოგონილი პერსონაჟი, რომელიც სხვა ქალებს მაგალითს აძლევდა, რეალურად კი მე უკვე გავხდი სხვა ქალებისთვის სამაგალითო პიროვნება, ეს არის ირონია, ეს არის მთელი ჩემი ცხოვრება, რომელიც თითქოს გადაწერილია.
სარჩელის მიღებას 1 წელი დასჭირდა, ისინი მე ისე მიყურებდნენ როგორც პატარა, მოკლე, ახალგაზრდა გოგოს, მე კი ყოველთვის ვამბობ ჩემს სათქმელს. ეს უკვე ჩემი მემკვიდრეობის ნაწილია, რომ მოჭადრაკე ქალები მიიღებიან როგორც დიდოსტატები და ისინი გახდებიან კიდევაც. ეს არის იმ ბრძოლის უდიდესი ნაწილი, რომელიც მე დავიწყე და რომელსაც ახლაც ვაგრძელებ.
ბევრ რამეს არ შეუძლია, რომ ემოციური ზიანი მომაყენოს, მაგრამ ჩემთვის ეს გასაკვირი და დამამცირებელი იყო, – განმარტავს ნონა გაფრინდაშვილი.
