საქართველოს ნაკრების მთავარმა მწვრთნელმა, ვილი სანიოლიმ კოსოვოსთან მატჩისწინა ოფიციალურ პრესკონფერენციაზე ხვიჩა კვარაცხელიას მდგომარეობაზე ისაუბრა და განაცხადა, რომ თავდაპირველ სიაში მისი კანდიდატურა გათვალისწინებული იყო, თუმცა ტრავმის გართულების შემდეგ მისი თამაში გამოირიცხა.
„ჩვენ ის თავდაპირველად სიაში ჩავსვით. იმედი გვქონდა, რომ ხვიჩა ამ მატჩებში ითამაშებდა. იგი უმნიშვნელოვანესი მოთამაშეა და ველოდებით, რომ ოქტომბრისთვის მზად იქნება. ხვიჩას მალე გამოჯანმრთელებას ვუსურვებ. რუბინის განცხადებაზე ვერაფერს ვიტყვი, ისინი რას დაწერენ, ეს მათი საქმეა“, – განაცხადა ვილი სანიოლიმ.
შეგახსენებთ, რომ მსოფლიო ჩემპიონატის შესარჩევი ეტაპის მეოთხე ტურის მატჩში საქართველოს ნაკრები ხვალ კოსოვოს შეხვდება. მატჩი, რომელიც ბათუმის ახალ სტადიონზე უნდა გაიმართოს 20:00 საათზე დაიწყება.
