“ბარსელონას” პრეზიდენტმა ჟოან ლაპორტამ საგანგებო პრესკონფერენცია გამართა და კლუბში არსებულ მძიმე ფინანსურ მდგომარეობაზე დეტალურად ილაპარაკა.
“კლუბის უარყოფითი აქტივები 451 მილიონი ევროა. კლუბი შემოსავლების 103%-ს ხელფასებზე მიდის, რაც დაახლოებით 20-25%-ით მეტია, ვიდრე ჩვენი კონკურენტები ხარჯავენ. ბარსელონას მთლიანი დავალიანება 1.35 მილიარდი ევროა. ჩვენი ფინანსური მდგომარეობა საგანგაშო და დრამატულია.სიტუაცია შემაშფოთებელი იყო, მაგრამ მე და ჩემს თანაგუნდელებს გვიყვარს ბარსელონა და გეგმა გვქონდა. ახლა კარგ განწყობაზე ვარ, დარწმუნებულები ვარ, რომ სწორი გადაწყვეტილებები მივიღეთ. სამწუხაროა, რომ ლეო წავიდა, მაგრამ ეს აუცილებელი იყო, რადგან კლუბი უპირველესია. მესი მსოფლიოს საუკეთესო ფეხბურთელია, თუმცა, მას აქვს საკუთარი მიზნები და მისწრაფებები. ჰქონდა შემოთავაზებები სხვადასხვა კლუბებიდან. ვესაუბრეთ მას, მოსალოდნელი იყო, რომ მოლაპარაკებები ნაყოფს გამოიღებდა, მაგრამ ეს არ მოხდა. მესის მაინც პატივს ვცემთ. სამწუხაროა, რომ ეს ისტორია დასრულდა, თუმცა მესის შემთხვევაში სწორი გადაწყვეტილება მივიღეთ. ეს არის ახალი ერა, რომელიც იწყება. თუ ყველანი ერთად ვიქნებით, წარმატება მოვა, ამაში დარწმუნებული ვარ. მჯერა, რომ რამდენიმე წელიწადში კლუბის ფინანსური მდგომარეობა გაჯასანღდება.კმაყოფილები ვართ, უპირველეს ყოვლისა პიკესთან მიღწეული შეთანხმებით. არიან, ფეხბურთელები, რომლებიც გარკვეულ შემთხვევებში მხოლოდ ფეხბურთელები არ არიან, პიკეს განსაკუთრებულად უყვარს ბარსელონა. მან დაინახა, რომ კრიტიკულ ვითარებაში ვართ და სამაგალითო საქციელი გამოავლინა, რასაც ყველა არ აკეთებს. ვიმედოვნებთ, რომ პიკეს სხვა კაპიტნებიც”.
შეგახსენებთ, რომ ბარსელონამ ახალი სეზონი კარგად დაიწყო და ლა ლიგის პირველ ტურში რეალ სოსიედადი 4:2 დაამარცხა.
