ყოველწლიური პროექტის – „სპორტფოტოს“ რიგით მეშვიდე გამოფენა, COVID 19-ის რეგულაციებიდან გამომდინარე, ღია ცის ქვეშ, „დინამო არენას“ მეორე იარუსის ტერასაზე გაიმართა.
პროექტის ორგანიზატორების გადაწყვეტილებით, ექსპოზიციაზე წარმოდგენილია, 2020 წლის იმ სპორტული მოვლენების ამსახველი ფოტო-კადრები, რომელშიც მონაწილეობა ქართველმა სპორტსმენებმა მიიღეს.
კორონავირუსის გამო, 2020 წელს დაგეგმილი ბევრი სპორტული მოვლენა გაუქმდა ან გადაიდო, უმეტესწილად კი ქართველმა სპორტულმა ჟურნალისტებმა და ფოტო-ჟურნალისტებმა ვერ მოახერხეს სპორტულ ტურნირებზე დასწრება, შესაბამისად ქართველ სპორტსმენთა გამოსვლების ამსახველი ფოტომასალა გამოფენის ორგანიზატორებს საერთაშორისო სპორტულმა, ასევე ქართულმა ფედერაციებმა და კლუბებმა მიაწოდეს.
