დადასტურდა, რომ სუპერლიგის დამფუძნებელი 12 კლუბიდან ცხრამ უეფასთან მოლაპარაკება მოახერხა და ისინი ამ ტურნირში მონაწილეობაზე უარს სულ მალე ოფიციალურად დაადასტურებენ.
როგორც ჩანს სანქციებს ეს გუნდებიც ვერ ასცდებიან, თუმცა ის შედარებით მარტივი იქნება. გუნდებს ერთი სეზონის განმავლობაში ევროპული ტურნირებიდან შემოსავლის 5% დააკლდებათ, ასევე უახლოეს პერიოდში ჯარიმის სახით €15 მილიონს გადაიხდიან.
თუ ისინი სამომავლოდ მსგავს ტურნირზე მონაწილეობას მაინც მიიღებენ, ისინი €100 მილიონით დაჯარიმდებიან და უეფას ტურნირებიდან მოიხსნებიან.
რეალი, ბარსელონა და იუვენტუსი, რომლებიც კვლავ ამ ლიგაში რჩებიან და მისი ჩატარების იმედს არ კარგავენ უმკაცრესად დაისჯებიან, თუმცა ჯერ არ არის ცნობილი როგორ.
