ჩემპიონთა ლიგის ნახევარფინალური ეტაპის დროც დადგა. პირველი დაპირისპირება მადრიდში გაიმართა, სადაც „რეალმა“ ლონდონის „ჩელსის“ უმასპინძლა და მატჩი ფრედ 1:1 დასრულდა.
ანგარიში სტუმრებმა გახსნეს. არისტოკრატები მე-15 წუთზე პულიშიჩმა დააწინაურა, ხოლო პირველი ტაიმის დასრულებამდე ცოლტა ხნით ადრე წონასწორობა ქარიმ ბენზემამ აღადგინდა და როგორც აღმოჩნდა ეს მატჩის უკანასკნელი გოლი გამოდგა.
მატჩის შემდეგ შედეგით ოდნავ იმედგაცრუებული იყო ლონდონელთა დამრიგებელი ტომას ტუხელი:
„პირველი ტაიმის და როგორც მოგვიანებით გაირკვა მატჩის მოგებასაც ვიმსახურებდით. დავწინაურდით და შემდეგაც მოედანზე სიტუაციას ვაკონტროლებდით. რეალმა გაგვითანაბრა და როგორც გამოჩნდა, ამის შემდეგ მომენტი აღარ ჰქონიათ, რაც იმას ნიშნავს, რომ მათ შანსი არ მივეცით.
გატანილი გოლის გარდა, მინიმუმ ერთი კიდევ უნდა შეგვეგდო, მაგრამ ეს ფეხბურთია. ვერ გაიტან, აქეთ მიიღებ. მეტოქემაც იმ მცირე შანსით ისარგებლა, რაც მივეცით. ამიტომაც, შედეგით ოდნავ იმედგაცრუებული ვარ. შეიძლება თამამად ვთქვა, რომ გოლი არაფრისგან გავუშვით, რაც რეალში მყოფი რამდენიმე ფეხბურთელის ინდივიდუალური ოსტატობის დამსახურებაა.
მოგებას ვიმსახურებდით, მაგრამ რა გაეწყობა, ამ ეტაპზე ფრეს უნდა შევეგუოთ“ – აღნიშნა „ჩელსის“ თავკაცმა.
