ჩოგბურთში სენსაციები უცხო ხილი არ არის. ტოპებიც ხშირად აგებენ, რადგან ყოველთვის ხომ ვერ მოიგებ, თუმცა, ალბათ თითქმის არავის ეპარებოდა ეჭვი, რომ ბელგრადში მიმდინარე 250-იანი კატეგორიის ტურნირს აუცილებლად ნოვაკ ჯოკოვიჩი მოიგებდა.
კაცი ბჭობდა, ღმერთი იცინოდაო. ნოლეც, შინაურ კედლებში, საკუთარი მაყურებლების წინაშე ასლან კარაცევთან დამარცხდა. რუსმა ჩოგბურთელმა ჯოკოვიჩს ტურნირის ნახევარფინალში, სამ სეტიან თრილერში აჯობა.
ბუნებრივია, შედეგით იმედგაცრუებულია ნოვაკ ჯოკოვიჩი, რომელიც მედიასთან შემდეგ კომენტარს აკეთებს:
„შედეგით დამწუხრებული ვარ, მაგრამ რა გაეწყობა. დღეს ჩემი მეტოქე უკეთესი გამოდგა. კარაცევმა დიდი ბრძოლისუნარიანობა გამოავლინა და დამსახურებულადაც გაიმარჯვა. ამიტომაც შევაქე ის და ვაჩვენე დიდი თითი.
რა გაეწყობა, წაგებაც ღირსეულად უნდა მიიღო, მატჩის შემდეგ მიხვიდე მოწინააღმდეგესთან, ხელი ჩამოართვა და გამარჯვება მიულოცო. მტკივნეული მარცხი იყო, თან ჩემს სამშობლოში, მაგრამ დროს უკან ვეღარ დავაბრუნებთ. წაგებით გამოწვეულ მიზეზებს ჩავუღრმავდები. კითხვები მხოლოდ საკუთარ თავთან მაქვს“ – აღნიშნა მსოფლიოს პირველმა ჩოგანმა.
