19 აპრილიდან საქართველოს საუკეთესო ჩოგბურთელი, ნიკოლოზ ბასილაშვილი ბარსელონაში, ATP-ის 500-ქულიან ტურნირზე ჩაერთვება. ნიკას პირველი მეტოქე მისთვის კარგად ნაცნობი ფრანგი ჩოგბურთელი, მსოფლიო რეიტინგის 53-ე ნომერი, ფრანგი ჟერემი შარდი იქნება.
ბასილაშვილი და შარდი ერთმანეთს 3-ჯერ შეხვდნენ. 2 შეხვედრაში გამარჯვება ფრანგმა მოიპოვა, ერთხელ კი ნიკამ იმარჯვა. ის ერთი გამარჯვებაც ბასილაშვილისთვის უმნიშვნელოვანესი იყო. 2019 წელს, ჰამბურგის ტურნირზე გამართული შეხვედრა ჩვენებურის გამარჯვებით დასრულდა, საბოლოოდ კი ნიკა ტურნირის გამარჯვებულიც გახდა.
შარდის დამარცხების შემთხვევაში, ქართველი ჩოგბურთელის მომდევნო მეტოქე მსოფლიო რეიტინგის მე-7 ნომერი, დენის შაპოვალოვი იქნება.
