ორი მატჩის ჯამში ფრე 3:3, თუმცა სტუმრად გატანილი გოლების წყალობით „პსჟ“ ჩემპიონთა ლიგის ნახევარფინალში გავიდა.
პარიზული გრანდი მინიმუმ ერთ გოლს მაინც იმსახურებდა. ნეიმარმა, მბაპემ და კომპანიამ არაერთი მომენტი შექმნეს, თუმცა ხან ბედი არ სწყალობდათ, ხანაც მანუელ ნოიერი იდგა მოწოდების სიმაღლეზე.
„ბაიერნმა“ პარიზში კი მოიგო (1:0), თუმცა ტურნირს მაინც ემშვიდობება. ნიშანდობლივია, რომ ჩემპიონთა ლიგის ისტორიაში პირველად მოხდა, როდესაც წინა გათამაშების ფინალისტმა ტურნირს მოქმედი გამარჯვებული გამოთიშა.
აი, რა თქვა „პსჟ“-ს მთავარმა მწვრთნელმა მოურიციო პოჩეტინომ მატჩის შემდეგ:
„სამწუხაროა, რომ გოლი ვერ გავიტანეთ, მაგრამ საერთო შედეგით რა თქმა უნდა კმაყოფილი ვარ. ფეხბურთი სპორტის ლამაზი სახეობაა და ვფიქრობ დღეს გულშემატკივარმა სწორედ ასეთი თამაში იხილა.
ვულოცავ ფეხბურთელებს ამ წარმატებას. ეს მთლიანად მათი დამსახურებაა. პარიზში თავს ბედნიერად ვგრძნობ. ჩვენ ერთ მუშტად შეკრული ძლიერი ოჯახი ვართ.
მატჩის მიმდინარეობისას ბევრი ვინერვიულე. ცარიელი ტრიბუნების გამოც ადრენალინი დაგვაკლდა. რაც შეგვეძლო გავაკეთეთ. ბიჭებმა ბოლომდე იბრძოლეს და როგორც მინიმუმ წაგებას არ ვიმსახურებდით, თუმცა საერთო შედეგით მაინც გავიხარეთ. მუშაობა და წინსვლა უნდა გავაგრძელოთ“.
