თბილისში ძიუდოს აკადემიაში საქართველოს ჩემპიონატმა აიღო სტარტი. 66 კილოგრამ წონით კატეგორიაში საქართველოს ჩემპიონი თენგო ზირაქაშვილი გახდა.
თენგომ ფინალში საბა კაპანაძე დაამარცხა და საქართველოს ჩემპიონის ტიტულსაც დაეუფლა, ბრინჯაოს მედლის მფლობელები ლაშა ნადირაძე და ბაგრატ ნინიაშვილი გახდნენ.
შეგახსენებთ, რომ მედლები 60 კილოგრამ წონით კატეგორიაშიც გათამაშდა. ჩემპიონი თემურ ნოზაძე გახდა, ვერცხლის მედალი ჯაბა პაპინაშვილს ერგო, ბრინჯაოს მედლები კი ირაკლი კუპატაძემ და თორნიკე მაზიაშვილმა მოიპოვეს.
ცნობისთვის, ხვალ საქართველოს ჩემპიონები 73 და 81 კილოგრამ წონით კატეგორიებში გამოვლინდება.
