პირველმა ქართული პროფესიონალურმა ფრენჩაიზმს “შავმა ლომმა” სტუმრად ისრაელში “თელავივ ჰითი” 52:28 დაამარცხა და რაგბი ევროპის სუპერთასის ჯგუფური ეტაპის დასრულებამდე პლეიოფის საგზური მოიპოვა.
პირველი ტაიმი “შავი ლომის” დიდი უპირატესობით წარიმართა. ქართველმა მორაგბეებმა, მე-15 წუთზე ორი ლელო დადეს. ჯერ თავი სანდრო მამამთავრიშვილმა გამოიჩინა, შემდეგ კი შალვა მამუკაშვილმა შეძლო მეტოქის ჩათვლის მოედანში დამიწება. გიორგი ბაბუნაშვილმა ორივე ლელო ზუსტად გარდასახა, და საჯარიმო დარტყმაც ზუსტად შეასრულა.
მეორე ტაიმი მეტოქემ აქტიურად დაიწყო და საწყის წუთებშივე ლელო დაგვიდეს. ამის შემდეგ ქართველი მორაგბეები გააქტიურდნენ. შალვა მამუკაშვილმა ორჯერ შეძლო თავის გამოჩენა და ჰეთ-რიკი მიითვალა. შემდეგ აკაკი ტაბუცაძემ შეძლო ლელოს დადება. რამდენიმე ხანში თენგიზ პერინიძემაც შეძლო მეტოქის ჩათვლის მოედანში დამიწება. გიორგი ბაბუნაშვილმა ყველა გარდასახვა ზუსტად შეასრულა. “თელავივ ჰითმა “მეორე ტაიმის ბოლოს ორი ლელო დაგვიდო. მატჩის ბოლოს კი თავი აკა ტაბუცაძემაც გამოიჩინა.
ამგვარად, “შავმა ლომმა” პლეი-ოფში გასვლა გაინაღდა და ჯგუფში პირველი ადგილისთვის კრასნოიარსკის “ენისეის” დაუპირისპირდება.
