მსოფლიო ფეხბურთის მმართველმა ორგანომ დღეს ნაკრებების განახლებული რეიტინგი გამოაქვეყნა, სადაც საქართველოს ნაკრები რამდენიმე საფეხურით არის დაწინაურებული.
ვილი საინოლის გუნდს 1264 ქულა აქვს და 95-ე პოზიციიდან 91-ზე გადაინაცვლა.
მიმდინარე წლის ზაფხულში ქართველმა ფეხბურთელებმა ორი ამხანაგური შეხვედრა გამართეს. 2 ივნისს ჩვენმა ფეხბურთელებმა რუმინეთი 1:2 დაამარცხეს, 6 ივნისს კი ნიდერლანდების ნაკრებთან 3:0 დამარცხდნენ.
ცვლილებაა საუკეთესო ხუთეულშიც. პირველ ადგილზე კვლავ ბელგიის ნაკრებია, მეორე ადგილზე ბრაზილიამ გადაინაცვლა, მესამე პოზიციაზე კი საფრანგეთის ნაკრები ჩამოქვეითდა. მეოთხე პოზიციას კვლავ ინგლისი იკავებს, მეხუთე ადგიზლე კი ევროპის მოქმედი ჩემპიონი, იტალიის ნაკრები აღზევდა.