აზერბაიჯანული მედია დინამო თბილისისა და ბაქოს ნეფთჩის მომავალს დაპირისპირებაზე აქტიურად წერს. მეზობელი ქვეყნების ჩემპიონები ერთმანეთს ჩემპიონთა ლიგის პირველ საკვალიფიკაციო ეტაპზე ეთამაშებიან : 7 ივლისს თბილისში, 14 ივლისს კი ბაქოში.
azerisport.com დინამო თბილისის პრეზიდენტს, რომან ფიფიას დაუკავშირდა და მომავალ დაპირისპირებაზე ჰკითხა:
„კარგია, რომ სწორედ ნეფთჩის შევხვდით. დარწმუნებული ვარ, რომ საინტერესო დაპირისპირება გველის. ვფიქრობ, გუნდების შანსები თანაბარია, უპირატესობა არცერთს აქვს და ყველაფერი მოედანზე გამოჩნდება.
რაც შეეხება აზერბიაჯანული და ქართული კლუბების ბიუჯეტებს შორის არსებულ სხვაობას, ბიუჯეტს მნიშვნელოვანი როლი აქვს გუნდის ფორმირებაში, მაგრამ ეს კლუბებს ყოველთვის ვერ ეხმარება. ჩვენ ძალიან ნიჭიერი ახალგაზრდები გვეზრდებიან.
იქნება თუ არა ჩვენი კლუბისთვის ნეფთჩისთან მარცხი კატასტროფა? და თქვენთვის იქნება? ვფიქრობ, არა. მთავარია, გუნდებმა ლამაზი ფეხბურთი აჩვენონ“, – უთხრა რომან ფიფიამ აზერბაიჯანელ ჟურნალისტს.
