სამეფო გუნდში ერთ ლეგენდას, მეორე ჩაანაცვლებს. „რეალის“ ბოსები ჩამოყალიბდნენ და მომავალი მწვრთნელის ვინაობაც გაირკვა.
როგორც პოპულარული ესპანური გამოცემა AS ირწმუნება, ზინედინ ზიდანის წასვლის შემდეგ, მადრიდის „რეალს“ წლების მანძილზე გუნდის თილისმა და ბომბარდირი რაული ჩაიბარებს.
„რეალი“ ზიდანის გაშვებას არ აპირებს, მაგრამ ადრე თუ გვიან ეს მოხდება და გუნდსაც მწვრთნელის ძებნა დიდხანს არ მოუწევს. ფლორენტინო პერესი ორ ვარიანტს განიხილავდა – პოჩეტინო და რაული, მაგრამ ერთი უკვე გამოირიცხა. მოურისიო პოჩეტინო ახლახანს „პსჟ“-ს თავკაცი გახდა.
43 წლის რაული, კარიერის დასრულების შემდეგ, „რეალის“ სტრუქტურაში დასაქმდა, 2019 წლიდან კი სარეზერვო გუნდში მწვრთნელად მუშაობს.
მოკლედ, „რეალში“ რაულის ხანა დაიწყება, ახლა უკვე მთავარი მწვრთნელის რანგში.
