41 წლის ესპანელი სპეციალისტი ჩავი ერნანდესი ბარსელონას ახალი მწვრთნელია. ესპანურ გუნდში ახალი ეპოქა იწყება. ინფრომაციას “ალ სადის” ადმინისტრაცია ოფიციალურად ადასტურებს.
ბლაუგრანამ “ალ სადს”, რომელსაც ჩავი წვრთნიდა მწვრთნელის გამოსასყიდი თანხა 5 მილიონი ევრო გადაუხადა.
ახალგაზრდა მწვრთნელმა ყატარულ გუნდში მთავარი მწვრთნელის რანგში 2 წელი გაატარა და კლუბთან ერთად 6 ტიტული მოიგო.
ჩავი ერნანდესი 2015 წლის შემდეგ “ბარსელონაში” ბრუნდება, როგორც ფეხბურთელმა “ლურჯ-ბროწეულისფერებთან” ერთად 4 ჩემპიონთა ლიგა, 8 ლა ლიგა, 3 ესპანეთის თასი, 8 ესპანეთის სუპერთასი, 2 მსოფლიოს საკლუბო ჩემპიონატი და 2 ევროპის სუპერ თასი მოიგო. ვეტერანი ფეხბურთელი 2011 და 2012 წლებში ოქროს ბურთის ნომინანტთა სიაშიც მოხვდა.
ბარსელონას ახალი მწვრთნელის ჩავი ერნანდესის დებიუტი 21 ნოემბერს “ესპანიოლის” წინააღმდეგ შედგება.
Turki Al-Ali: The #AlSadd administration has agreed on Xavi’s move to Barcelona after the payment of the release clause stipulated in the contract. We’ve agreed on cooperation with Barcelona in the future. Xavi is an important part of Al-Sadd’s history and we wish him success. pic.twitter.com/3FvCOdYl5X
— 🏆 #76 Al Sadd SC | نادي السد (@AlsaddSC) November 5, 2021
