საფრანგეთის ლიგა 1-ის მეორე ტურში “ნიცა” მარსელის “ოლიმპიკს” დაუპირისპირდა.
შეხვედრა 74-ე წუთზე შეწყდა, მიზეზი მინდორზე გულშემატკივრების შემოვარდნა გახლავთ.
“ნიცას” ქომაგებმა სტუმართა ფეხბურთელს, დიმიტრი პაიეს ბოთლები დაუშინეს, საპასუხოდ კი “მარსელის” ფეხბურთელებმაც იგივე გააკეთეს ფანების მისამართით.
ამ ფაქტმა მასპინძელი გულშემატკივრების გაღიზიანება გამოიწვია და ისინი მინდორზე შევარდნენ. საბოლოოდ დაპირისპირება ხელჩართულ ჩხუბში გადაიზარდა, რომელშიც ორივე გუნდის მოთამაშეებმა მიიღეს მონაწილეობა.
