დოჰას ტურნირის მოგების შემდეგ, ნიკოლოზ ბასილაშვილი თავის თავს აღარ ჰგავს. ქართველი ჩოგბურთელის უიღბლო სერია გრძელდება.
შეგახსნებეთ, ბასილაშვილი ახლახანს დასრულებულ მონტე-კარლოს მასტერსს პირველ წრეში გამოეთიშა, როდესაც ფილიპ კრაიანოვიჩთან დაპირისპირებაში კორტიდან გავიდა. ეს მეორე პარტიაში მოხდა, პირველი კი 6:1 ჰქონდა წაგებული. ჩვენებურ მეჩოგნეს ხელის ტრავმა აწუხებდა, რაც აშკარად ჩანდა და მის თამაშზეც ახდენდა გავლენას.
სამწუხაროდ, ბასილაშვილი დღეს დაწყებულ ბარსელონას უპრესტიჟულეს ტურნირსაც საწყის ეტაპზე გამოეთიშა. მისი მეტოქე ჟერემი შარდი გახლდათ.
როგორც ჩანს, ქართველ ჩოგბურთელს ტრავმა ისევ აწუხებს. მართალია, მას ამჯერად მატჩი შუაში არ შეუწყვეტია, მაგრამ ვეტერან ფრანგს მაინც ვერ აჯობა.
პირევლი სეტი ბასილაშვილმა 4:6 წააგო, მეორე პარტია კი 6:3 მოუგო. მესამე გადამწყვეტ სეტში კი ისევ ჟერემი შარდმა იყოჩაღა და 6:3 მოგებასთან ერთად მატჩის მის სასარგებლოდ დაასრულა.
