“დინამო თბილისის” ყველა დროის ერთ-ერთ საუკეთესო მცველს – მურთაზ ხურცილავას დღეს 79 წელი შეუსრულდა.
მურთაზ ხურცილავა 15 წლის (1961-1975 წლები) მანძილზე იცავდა ლურჯ-თეთრი გუნდის ღირსებას.
მან “დინამოს” შემადგენლობაში 371 მატჩი ჩაატარა და 21 გოლი გაიტანა. მურთაზ ხურცილავა არის სსრკ- ს ჩემპიონატების 5 გზის მესამე პრიზიორი 1962, 1967, 1969, 1971 და 1972 წლებში. 10- ჯერ იქნა დასახელებული 33 საუკეთესო ფეხბურთელთა შორის. არის სპორტის დამსახურებული ოსტატი, ვახტანგ გორგასლის ორდენის კავალერი, იყო “დინამო თბილისის” და საბჭოთა კავშირის ნაკრების კაპიტანი. მან სსრკ– ს ნაკრებში 70 მატჩი ჩაატარა და 7 გოლის გატანა მოახერხა. ლეგენდარული “დინამოელი” არის მსოფლიო ჩემპიონატის ნახევარფინალისტი და ორგზის მონაწილე 1966 და 1970 წლებში, ევროპის 1972 წლის პირველობის ფინალისტი, მიუნხენის ოლიმპიური თამაშების ბრინჯაოს მედლის მფლობელი 1972 წელს, ასევე იყო “დინამო თბილისის” მთვარი მწვრთნელი 1998–1999 წლებში.
“პრაიმ სპორტის” გუნდი ვულოცავთ მურთაზ ხურცილავას 79 წლის იუბილეს.
