საქართველოს პირველი ჩოგანი, ნიკოლოზ ბასილაშვილი კარიერაში პირველად ინდიან უელსის მასტერსის ფინალში ითამაშებს.
ქართველმა სპორტსმენმა მასპინძელი ფრიცი ორ სეტში დაამარცხა და ფინალური ეტაპის საგზური გაინაღდა.
ფინალში გასვლის შემდეგ 29 წლის ბასილაშვილმა მედიასთან კომენტარი გააკეთა:
“რა თქმა უნდა ჩემთვის ბევრს ნიშნავს ფინალში გასვლა, რადგან ამ ტურნირს მეხუთე სლემსაც უწოდებენ. მშვენიერ ფორმაში ვარ და თავს კარგად ვგრძნობ.
ჩაწოდებაზე ძალიან ვიმუშავე, ამ კომპონენტში ბევრი შეცდომები მქონდა მაგრამ ყველაფერი გამოვასწორე.
კამერონ ნორი ძალიან საინტერესო და ჭკვიანი ჩოგბურთელია, თუმცა მე საკუთარ ძალებში დარწმუნებული ვარ.” – განაცხადა ბასილაშვილმა
შეგახსნებთ, რომ ბასილაშვილისა და ნორის ფინალი ხვალ თბილისის დროით 22:00-ზე გაიმართება.
