“მანჩესტერ იუნაიტედისა” და ინგლისის ნაკრების ფეხბურთელი, მეისონ გრინვუდი, რომელიც ყოფილ შეყვარებულზე ძალადობაშია ბრალდებული, გირაოს სანაცვლოდ გაათავისუფლეს.
გამოძიება გრძელდება, თუმცა, შეიძლება ითქვას, რომ 20 წლის მეისონ გრინვუდის კარიერა უკვე დაინგრა, რადგან გასულ შაბათს მას “მანჩესტერ იუნაიტედში” ვარჯიშისა და თამაშის უფლება შეუჩერეს. ფეხბურთელი ამოიღეს FIFA 2022-ის აქტიური გუნდებიდან, ასევე მას კონტრაქტი შეუჩერა ცნობილმა სპორტული სამოსის ბრენდმა, ნაიკმაც.
“მანჩესტერ იუნაიტედი” მზად არის გულშემატკივრებს გრინვუდის საფეხბურთო ფორმა სხვა ფეხბურთელების მაისურებში გადაუცვალოს.
