კატალონიურ ბარსელონასთან დუბლის შესრულების და გამარჯვების შემდეგ, ტურინის იუვენტუსის სუპერვარსკვლავმა კრიშტიანუ რონალდუმ ფოტო გამოაქვეყნა, სადაც გუნდი ჯგუფში პირველი ადგილის დაკავებას აღნიშნავს.
„ყოველთვის სასიამოვნოა ესპანეთში და კატალონიაში დაბრუნება, კამპ ნოუზე ერთ-ერთი საუკეთესო გუნდის წინააღმდეგ თამაში ყოველთვის რთულია. დღეს ჩვენ საჩემპიონო გუნდი ვიყავით! ნამდვილი, ძლიერი და ერთიანი ოჯახი! თუ სეზონის ბოლომდე ასე თამაშს გავაგრძელებთ, საშიში არაფერი იქნება… წინ, ბიჭებო! წინ, იუვე! Fino Alla Fine!“ – დაწერა კრიშტიანუმ.
აღსანიშნავია, რომ ეს მატჩი ბოლო ათწლეულის (და არა მარტო) ორი სუპერვარსკვლავის დაპირისპირებად მოინათლა, თუმცა როგორც ხედავთ ამჯერად გამარჯვებული პორტუგალიელი გამოდგა.