იტალიაში მსოფლიოს ჩემპიონატი იწყება – ქართველი ძიუდოისტების მეტოქეთა ვინაობა ცნობილია

იტალიის ქალაქ ოლბიაში სტარტს ახალგაზრდების ძიუდოს მსოფლიოს ჩემპიონატი აიღებს. აღნიშნულ ტურნირზე საქართველოს სახელით 13 ძიუდოისტი გამოვა.

საქართველოს ნაკრების შემადგენლობა ასე გამოიყურება:

ბიჭები:

-60: გიორგი სარდალაშვილი; შაქრო შათირიშვილი

-81: გიორგი შერაზადიშვილი

-90: ნიკა ხარაზიშვილი; ლაშა მღებრიშვილი

-100: ილია სულამანიძე; მიხეილ ჯაფარიძე

+100: ირაკლი დემეტრაშვილი; საბა ინანეიშვილი

გოგონები:

-52:მარიამ ლაფაჩიშვილი

-57:ნინო ლოლაძე; რეგინა უთნელიშვილი

-63: ინდირა სილაგაძე

პირველ დღეს საქართველოს სახელით 3 ძიუდოისტი იასპარეზებს. ოქროს მედლის მოპოვებას -60 კილოგრამ წონით კატეგორიაში გიორგი სარდალიშვილი და შაქრო შათირიშვილი შეეცდებიან. -52 კილოგრამ წონით კატეგორიაში კი უმაღლესი სინჯის მედლის მოპოვებას მარიამ ლაფაჩიშვილი შეეცდება.

გიორგი განთესილია და პირველ წრეში დაისვენებს, მეორე ეტაპზე კი მისი მეტოქე ჩილელ და ჰონგ-კონგელ სპორტსმენებს შორის გაირკვევა. წარმატების შემთხვევაში, 1/4-ში მისი სავარაუდო მეტოქე ყაზახი შერზოდ დავლათოვი იქნება.

შაქრო შათირიშვილი პირველ რაუნდში კანადელ სპორტსმენს დაუპირისპირდება, წარმატების შემთხვევაში ქართველი ძიუდოისტის მეტოქე 1/8-ში სავარაუდოდ თურქი ემირჰან კარაჰანი იქნება.

მარიამ ლაფაჩიშვილი ასპარეზობას იტალიელ მეტოქესთან დაიწყებს, წარმატების შემთხვევაში ქართველი სპორტსმენი ფრანგ და ბრიტანელ ძიუდოსიტებს შორის გამარჯვებულს შეხვდება.

წინასწარი შეხვედრები თბილისის დროით 11:00-ზე დაიწყება, ფინალური ბლოკი კი 18:00-ზე გაიმართება.