32 წლის ქართველი კალათბურთელი გიორგი შერმადინი ეროვნული ნაკრების შეკრების შემდეგ ესპანურ “ტენერიფეს” დაუბრუნდა და ახალი სეზონისთვის მზადება დაიწყო.
შერმადინს სეზონის პირველი ჯილდოს მოგების შანსი 11-12 სექტემბერს ექნება, სადაც მისი გუნდი ესპანეთის სუპერთასის მატჩებს უმასპინძლებს. წილისყრის შედეგად ცნობილი გახდა, რომ ტენერიფელები ნახევარფინალში მადრიდის რეალს ეთამაშებიან, ფინალის მე-2 საგზურისთვის კი ბარსელონა და ვალენსია იბრძოლებენ.
ლენოვო ტენერიფემ ესპანეთის ჩემპიონატის წინა სეზონი მე-3 ადგილზე დაასრულა.
სუპერთასის დაწყებამდე, შერმადინის გუნდს რამდენიმე საკონტროლო მატჩი ელის. ტენერიფელები 26 და 31 აგვისტოს გრან კანარიას ეთამაშებიან, 3 და 5 სექტემბერს კი, ხეტაფეს ტურნირის ეგიდით, შესაბამისად, ბასკონიასა და ფუენლაბრადას გაეჯიბრებიან.
შეგახსენებთ, რომ შერმადინი ესპანური ლიგა ენდესას გასული სეზონი საუკეთესო კალათბურთელად აღიარეს.
