დროის დაკარგვა აღარ შეიძლება, ახლავე საქმეს უნდა შევუდგეთო. ეს ამბავი თუ სიმართლეს შეესაბამება პარიზულ გრანდს სათანადო მზადება-დახვედრის ორგანიზება არ გაუჭირდებათ. პსჟ“ მსგავსი ღონისძიებების ორგანიზების უამრავი გამოცდილება აქვს.
საქმე კი ლიონელ მესის ეხება. არა, მოულოდნელი და სენსაციური ნამდვილად არაფერი იმაში, რომ არგენტინელ ფორვარდს „ბარსელონას“ დატოვება მოუწადინებია. ის კი არადა, კალატოლიური გუნდის ქომაგებს ამ ზაფხულს თავიანთი თილისმა უკვე გამოტირებულიც ჰყავდა, მაგრამ მესისთან დამშვიდობება მინიმუმ ერთი წლით გადაიდო. ისე კი ვგონებთ, „ბარსელონას“ გულშემატკივრები ამას უკვე შეგუებულნიც არიან.
მესის „პსჟ“-ში გადასვლასთან დაკავშირებით მორიგ ცნობას კი გუნდის საკლუბო მაღაზიების ქსელის ერთ-ერთი წარმომადგენელი ავრცელებს. ის ყველას მოუწოდებს, ეს ამბავი გუნდისთვის მნიშვნელოვანი ამბავია და მაისურების და სხვა ატრიბუტიკის მზადება ახლავე უნდა დავიწყოთ, რათა ზაფხულისთის მზად ვიყოთო.
ვნახოთ, როგორ განვითარდება მოვლენები. მესის რომ „ბარსელონაში“ დარჩენა აღარ სურს, ეს ყველასთვის ნათელია. არგენტინელ ვარსკვლავს ყველაზე ხშირად „მანჩესტერ სიტის“ და „პსჟ“-ს უკავშირებენ.
