საქართველოს 21-წლამდე ნაკრები ქალაქ ვოლუნტარი ანგელ იორდანესკუს სახელობის სტადიონზე რუმინელ თანატოლებს დაუპირისპირდა. მატჩი ანგარიშით 1:1 დასრულდა.
შეხვედრის დასრულების შემდეგ ჯვაროსნების მთავარმა მწვრთნელმა რამაზ სვანაძემ მცირე კომენტარი გააკეთა:
“თამაშის შეფასებას, რაც შეეხება, დადებითად შევაფასებდი, საკმაოდ კარგი თამაში გამოვიდა, საკმაოდ ძლიერ მოწინააღმდეგესთან. ჩვენ ვიცოდეთ თავიდანვე, რუმინეთის ძალა. თან ეს ნაკრები წარმოდგენილი იყო ქვეყნის ყველაზე ძლიერი ფეხბურთელებით.ჩეკი აზრით ჩვენ ვფლობდით უპირატესობას და შეგვეძლო ეს შეხვედრა გამარჯვებით დაგვესრულებინა.
ყველაზე მთავარი ამ ეტაპზე , შედეგთან ერთად, სელექციაა – იყო რამდენიმე დებიუტანტი, ასე გაგრძელდება მომავალში, ნაკრების კარი ყველასთვის ღიაა. ჩვენი ამოცანა უცვლელი რჩება, 2023-ში მომზადებული შევხვდეთ ევროპის ჩემპიონატს.
ზოგადად, შეკრებას რაც შეეხება, ძალიან დიდი შეკრება გამოგვივდა, სანაკრებო სპეციფიკიდან გამომდინარე უჩვეულო იმ მხრივ, რომ ძალიან ბევრი ვარჯიში ჩავატარეთ. სამწუხაროდ, პანდემიის გამო, თამაში თბილისურ შეკრებაზე არ გამოგვივიდა, თუმცა ამან საშუალება მოგვცა, რომ უფრო მეტი დრო სათამაშო კომპონენტებისთვის დაგვეთმო, რაც მოედანზეც გამოჩნდა, მინდოდზე აისახა.
დადებითად შევაფასებდი შეკრებას და ვისურვებდი რაც შეიძლება მეტი სათამაშო პრაქტიკა ჰქონდეს ჩვენი ნაკრების ფეხბურთელებს. დღეს დავდრწმუნდით, რომ ევროპის სისწრაფეები განსხვავებულია. “ – განაცხადა სვანაძემ
შეგახსნებთ, რომ საქართველო და რუმინეთი 2023 წლის 21-წლამდე ევროპის ჩემპიონატს უმასპინძლებენ, სწორედ ამ მიზეზით ეს ქვეყნები ევროპის ჩემპიონატის შესარჩევ ციკლში არ მონაწილეობენ.
