24 მარტიდან მაიამიში მასტერსის სერიის საჩოგბურთო ტურნირი იწყება, რომელიც „დიდი სამეულის“ გარეშე ჩაივლის.
როჯერ ფედერერი, რაფაელ ნადალი და ნოვაკ ჯოკოვიჩი ოკეანისგაღმა წასვლას არ აპირებენ. შვეიცარიელი და ესპანელი ჩოგბურთელების გადაწყვეტილება აქამდეც ცნობილი იყო, ახლა კი უარი სერბმაც თქვა და მასტერსიდან ოფიციალურად მოიხსნა.
„ვიფიქრე და გადავწყვიტე, რომ სახლში დავრჩე და ეს დრო ოჯახს დავუთმო. მსოფლიო რთული გამოწვევის წინაშეა. ამიტომაც, ვცდილობ პროფესიასა და ოჯახის წევრებთან ყოფნას შორის ოქროს ბალანსი ვიპოვო“ – წერს ნოლე ტვიტერის საკუთარ გვერდზე.
17 წლის შემდეგ მსგავსი რამ მაიამის მასტერსზე პირველად ხდება. შეგახსენებთ, აღნიშნულ მასტერსზე არც დომინიკ ტიმი ითამაშებს.
