1988 წლის ევროპის ჩემპიონი და სსრკ-ს ნაკრების კარში დაუვიწყარი გოლის ავტორი, ასევე „მილანის“ დიდებული გუნდის წევრი, ლეგენდარული ნიდერლანდელი ფეხბურთელი მარკო ვან ბასტენი უცნაურ და გიჟურ იდეას აჟღერებს.
ყოფილი ფეხბურთელი ფიფას ჩინოვნიკებს მიმართავს, რომ წესები გადახედვას ითხოვს. განსაკუთრებით კი ყურადღებას ოფსაიდზე ამახვილებს და გამოდის წინადადებით ეს წესი საერთოდ გაუქმდეს. ყოველშემთხვევაში სატესტო მატჩი გაიმართოს და დააკვირდნენ გაამართლებს თუ არა.
„ჩემს დროსაც და ახლაც, მსაჯებს ხშირად არასწორი გადაწყვეტილებების გამო აკრიტიკებენ. ძირითადად ეს ოფსაიდებს უკავშირდება. ჩემი იდეა კი ამ მხრივ ბევრ რამეს რადიკალურად შეცვლის.
ვფიქრობ, ოფსაიდი კარგი წესი არ არის და ის გასაუქმებელია. ახლა ყველას წარმოუდგენლად ეჩვენება ფეხბურთი ოფსაიდის გარეშე, მაგრამ რეალობაში გამოჩნდება, რომ თურმე თამაში ამ წესის გარეშეც თავისუფლად არის შესაძლებელი. უფრო მეტიც, ფეხბურთი გაცილებით დინამიური და საინტერესო საყურებელი გახდება.
როდესაც ფეხბურთელებს მცველებს უკან შეეძლებათ თამაში, გოლებიც ბევრი გავა, დაცვის თამაში კი გაცილებით რთული გახდება. ერთხელ ვცადოთ მაინც“ – ამბობს მარკო ვან ბასტენი.
